KLEINGELD WORD GROOTGELD

Die toekoms van ons ekonomie lê in die hande van die volgende generasie. Dit is van kardinale belang om kinders van jongs af bloot te stel aan die wêreld van entrepreneurskap.

Hierdie kompetisie is ontwerp om kinders aan te moedig om hul kreatiwiteit, besigheidsvernuf en finansiële vaardighede te ontwikkel terwyl hulle leer hoe om hul eie besigheid te begin en te bestuur.

Waarom is dit belangrik?

In 'n vinnig veranderende wêreld is dit noodsaaklik dat kinders nie net akademiese kennis opdoen nie, maar ook praktiese lewensvaardighede aanleer.

Om kinders aan te moedig om op 'n jong ouderdom met geld te werk en hul eie besighede te begin, help om:


  • Finansiële Geletterdheid te bevorder: Kinders leer die waarde van geld, hoe om dit te verdien, te spaar en verantwoordelik te bestee.


  • Probleemoplossingsvaardighede te ontwikkel: Entrepreneurskap moedig kinders aan om kreatiewe oplossings vir alledaagse probleme te vind.


  • Selfvertroue te bou: Deur hul eie idees te ontwikkel en uit te voer, ervaar kinders die bevrediging van prestasie.

  • Leierskap en onafhanklikheid te kweek: Hulle leer om besluite te neem, beplanning te doen en verantwoordelikheid vir hul projekte te aanvaar.


  • Innovasie te bevorder: Kinders word aangemoedig om buite die boks te dink en nuwe idees te ontwikkel.


Die Weg na 'n Beter Toekoms

Deur hierdie kompetisie kry kinders die geleentheid

om hul drome in werklikheid te omskep en

die nodige vaardighede aan te leer om

suksesvolle entrepreneurs te word.

Dit plant die saad vir 'n generasie wat nie net werk soek nie, maar werk skep.


Ons glo dat elke kind die potensiaal het om 'n verskil te maak – al wat hulle nodig het, is die regte geleenthede en bemoediging. Hierdie kompetisie is 'n opwindende stap in die rigting van 'n toekoms waar jong entrepreneurs die ekonomie van môre help vorm.

Wat behels die pakket?

Inskrywings is gratis & die wenner van die Entrepreneursprojek 2025 kan R5000 wen.


  • Elke deelnemer ontvang 'n gratis handleiding oor entrepreneurskap en 'n voorbeeld van 'n besigheidsplan.


  • Deelnemers kry die geleentheid om hul produkte by die Boeremark in Silverton te gaan bemark in die Entrepreneurs Hub.


  • Mentors is gratis per e-pos of WhatsApp beskikbaar om die kinders te lei in hul besighede en raad te gee oor groei, uitbreiding, bemarking en hantering van moeilike kliente.


  • Leerlinge kry die geleentheid om hul produkte gratis op die Worth It Foundation se aanlyn winkel te bemark.


  • Gratis uitnodiging na die Worth It Gala aand. 


  • Staan 'n kans om hul besigheid gratis op radio te bemark. 

Hoe werk die

BLINK PLAN Entrepreneurs Projek? 

Die entrepreneurs projek is 'n gestruktureerde program wat kinders stap-vir-stap begelei om hul eie besigheidsidees te ontwikkel en te implementeer.

Die proses werk as volg:


  • Idee Generering: Kinders word aangemoedig om unieke besigheidsidees te bedink gebaseer op hul belangstellings en vaardighede.


  • Besigheidsplan Ontwikkeling: Deelnemers leer hoe om 'n basiese besigheidsplan op te stel, insluitend produkaanbieding, kosteberekening en bemarkingsstrategie.


  • Finansiële Beplanning: Hulle word gelei in hoe om begrotings op te stel, winste te bereken en spaargeld te bestuur.


  • Produkontwikkeling: Kinders maak hul produk of bied hul dienste aan met behulp van kreatiewe oplossings.


  • Verkope en Bemarking: Deelnemers bemark hul besighede aan vriende, familie en die gemeenskap deur kreatiewe promosies en sosiale media.


  • Beoordeling en Terugvoer: 'n Paneel beoordeel die projekte gebaseer op innovasie, winsgewendheid en aanbieding.


  • Toekennings en Erkenning: Die beste projekte word beloon met pryse en sertifikate om hul prestasies te vier.



Stuur 'n epos met `n video waarin jy korteliks verduidelik wat jou besigheid is.

Onthou om te noem hoe oud jy is, in watter skool jy is en wat jou besigheids idee is.

entrepreneurs@worthitfoundation.co.za

©2025 All rights reserved. Design by Worthit foundation